Agjencia për Zhvillim Bujqësor dhe Rural (AZHBR) njoftoi se ka nënshkruar kontratat e grantit me peshkatarët aplikantë të Masës 9, për rinovimin e infrastrukturës së anijes së peshkimit, në zbatim të Skemës Kombëtare të mbështetjes në bujqësi, për vitin 2022. Drejtoresha e AZHBR-së, Eranda Selmanaj, tha se “kemi nënshkruar 15 kontrata për zëvendësim motori, dokim periodik, riparim motori, dhe jemi në pritje të nënshkrimit të 11 kontratave të tjera për riparim të përgjithshëm të anijeve të peshkimit”. Sektori i peshkimit mbështetet për herë të parë nga buxheti i shtetit me dy Masa mbështetëse, masën e rinovimit të infrastrukturës së anijeve të peshkimit dhe masës së mbështetjes me 40 lekë/litër për karburant të shpenzuar nga anijet e peshkimit, me buxhet në dispozicion 400 milion lekë.http://ata.gov.al/2022/09/17/skema-kombetare-azhbr-nenshkruan-26-kontrata-granti-me-peshkataret/
- Advertisment -