Autostrada e re Thumanë-Kashar prej 21 kilometrash dhe me shpejtësi qarkullimi 130 km/h, tashmë është e hapur për të gjithë drejtuesit e automjeteve. Kjo autostradë e përfunduar në një kohë rekord prej 15 muajsh, i paraprin tre kantiereve të reja Thumanë – Milot, Kashar – Lekaj dhe Lekaj – Fier, të cilat nisin nga puna për disa javë, ndërkohë që po brenda pak javëve rihapet gara për segmentin Milot – Balldren. Investimi këtu është 271 milionë euro, të gjitha të disponueshme nga koncensionari privat. Në ndërkohë, pagesa e kilometrit është vendosur nga studimi WBIF dhe kështu do të jetë në të gjithë segmentin e Korridorit Blu”. Ministrja ka theksuar se bashkë me këtë rrugë janë ndërtuar dhe rrugët dytësore të cilat janë të disponueshme, jo vetëm për të lidhur komunitetet me këtë autostradë, por nga ana tjetër për t’i dhënë zgjedhje çdo drejtuesi automjeti nëse do të zgjedhë që të kaloje më pagesë përmes kësaj rruge ose më pas të zgjedhë rrugët dytësore pa pagesë.
