Automotive Fair Albania

Ky event që do të nisë në datat 26-29 tetor në pallatin e Kongreseve, “Sheshi Italia” e “Nënë Tereza”, do të bëjë bashkë prodhues e koleksionistë të industrisë së automobilizimit. Edicioni i parë i Automotive Fair Albania u mbajt në qershor të një viti më parë i cili shërbeu si një vitrinë rajonale për sipërmarrjet më novatore në trojet shqipfolëse, dhe si një urë ndërlidhëse midis të gjithë operatorëve dhe aktorëve të industrisë së automobilizimit, duke ofruar mundësi të reja investimi në industrinë e automobilizmit, promovimi dhe njohje. Qëllimi i këtij eventi ishte stimulimi i investimeve të huaja në industrinë e automobilizmit. Rrjeti i operatorëve vendas e rajonalë, prezantuan produkte dhe shërbime që ata ofrojnë, ndërsa prezenca e ekspertëve ndërkombëtarë shërbeu si një mundësi unike për shkëmbim përvojash, shikueshmëri, bashkëpunime të reja, si dhe një eksperiencë ndërkombëtarizimi që erdhi në momentin e duhur.