Ish-kancelari i Austrisë Sebastian Kurz është dënuar me tetë muaj burgim me kusht për deklarata të rreme, vendosi sot Gjykata Rajonale e Vjenës. Sipas vendimit, Kurz ka bërë deklarata të rreme në një komision hetimor parlamentar. Gjykata tha se provat tregonin se Kurz kishte ushtruar një ndikim më të madh në emërimin e bordit mbikëqyrës të kompanisë shtetërore “Holding Öbag” nga sa kishte pranuar përpara komisionit parlamentar të Ibizës.
Kurz i tha komisionit në vitin 2020 se ai kishte qenë në dijeni të ngjarjeve, por nuk kishte ndërhyrë në mënyrë aktive. Në rastin e emërimit të ish-të besuarit të Kurz, Thomas Schmid, si kreu i “Holding Öbag”, gjyqtari e liroi ish-udhëheqësin nga akuza e dhënies së deklaratave të rreme. Gjyqi u ndoq me shumë interes në Austri. Republika alpine po përballet me një vit zgjedhor të vështirë, ndërsa zgjedhjet lokale dhe rajonale, zgjedhjet evropiane dhe zgjedhjet parlamentare pritet të zhvillohen në fund të shtatorit. Dënimi i Kurz, një figurë popullore si kancelar dhe udhëheqës i ÖVP-se, ka të ngjarë të sigurojë “mjete mbrojtëse” për fushatën zgjedhore për kundërshtarët e tij politik
