ARRSH: Rruga Bogë-Theth e hapur për qarkullimin e mjeteve

Autoriteti Rrugor Shqiptar informoi sot se në aksin Bogë-Theth po punohet për pastrimin e rrugës me 4 borëpastruese dhe mjete të tjera. Përmes një njoftimi për shtyp, ARRSH bëri të ditur se dendësia e dëborës është mbi 1 metër, por aksi është i hapur për qarkullimin. “Për drejtuesit e mjeteve që kalojnë në këtë aks rekomandohet përdorimi i gomave dimërore dhe pajisja me zinxhirë”, thuhet në njoftimin e ARRSH-së. ATSH