Autoriteti Rrugor Shqiptar bën të ditur se në segmentin rrugor Bogë-Theth kanë filluar reshjet e borës me intensitet. Sipas ARRSH-së, mjetet borëpastruse janë në terren duke bërë pastrimin e trupit të rrugës nga dëbora dhe shpërndarjen e kripës për të evituar ngricat gjatë natës. Po ashtu, informoi se qarkullimi kryhet pa problem. ”Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore”, apelon ARRSH.
