Autoriteti Rrugor Shqiptar bën të ditur se për shkak të reshjeve të dendura të shiut që përfshinë prej disa orësh vendin, ka pasur rënie gurësh e inertesh në rrugë dhe situata u paraqit më problematike në rajonin verior. Sipas ARRSH-së grupet e punës së mirëmbajtjes së rrugëve janë në terren dhe se qarkullimi i mjeteve kryhet në të gjitha akset normalisht. “Qarkullimi në të gjithë akset kryhet normalisht. Ka pasur rënie gurësh e inertesh në rrugë që janë pastruar menjëherë pa shkaktuar probleme në qarkullim në: Bogë–Theth, Hani i Hotit-Tamarë, Dushaj–Lekbibaj, Kukës–Shishtavec, Bajram Curri–Valbonë, Vau i Dejës–Pukë–Kukës, Skuraj–Ulëz dhe në zonën e Shkëmbit të Kavajës”, informoi ARRSH.
