Arabia Saudite u deklaroi Shteteve të Bashkuara të Amerikës se nuk do të ketë marrëdhënie diplomatike me Izraelin derisa të përfundojë agresioni në Rripin e Gazës dhe të njihet një shtet i pavarur palestinez me kufijtë e vitit 1967 dhe Jeruzalemin Lindor si kryeqytet. Lajmin e bëri të ditur Ministria e Jashtme e Arabisë Saudite, e cituar nga media ndërkombëtare. Në një deklaratë të veçantë, ambasadori saudit në MB, Khalid bin Bandar, i tha BBC-së se Riadi ishte i interesuar për normalizimin e marrëdhënieve me Izraelin pas luftës, por se ”çdo marrëveshje duhet të çojë në krijimin e një shteti palestinez”
