Angela Lansbury, e njohur për rolet e saj në serialin ”Murder, She Wrote” dhe filma si ”The Manchurian Candidate”, vdiq në moshën 96-vjeçare. Familja e saj tha se Angela vdiq pesë ditë para se të festonte ditëlindjen e saj të 97-të. Angela u lind në Londër më 1925 dhe më vonë u zhvendos në SHBA. Roli i saj i parë ishte në filmin e George Cukor të quajtur ”Gaslight”, ku Angela luante rolin e një shërbyeseje. Në moshën 19-vjeçare Lansbury mori nominimin e saj të parë për çmimet Oskar, si aktorja më e mirë joprotagoniste për një film të saj të vitit 1944. Angela njihet për rolin e saj si Jessica Fletcher, një mësuese që heq dorë nga puna për t’u bërë detektive, pas vdekjes së bashkëshortit. Në vitin 2013, Angela u nderua me një çmim ”Academy Award” për arritjet e saj në karrierë. Ajo gjithashtu është nderuar me të njëjtin çmim nga BAFTA në vitin 2002. Lansbury është nderuar dhe me një yll në Hollywood Walk of Fame. https://ata.gov.al/2022/10/12/vdes-angela-lansbury-aktorja-e-murder-she-wrote/
- Advertisment -