Ambasada e SHBA-së në Tiranë bëri thirrje për respektimin e kushteve të vizës amerikane dhe të afatit të autorizuar të qëndrimit në Shtetet e Bashkuara.
“Është përgjegjësia jote të përdorësh vizën tënde në mënyrë korrekte. Respekto kushtet e vizës tënde amerikane dhe afatin e autorizuar të qëndrimit në Shtetet e Bashkuara”, thuhet në njoftimin për shtyp të Ambasadës amerikane.
Ambasada nënvizon se qëndrimi përtej këtij afati mund të ndikojë në mënyrë të përhershme në mundësinë për të udhëtuar, studiuar ose punuar në Shtetet e Bashkuara.
