Akulli që nuk shkrihet kurrë

Në një botë ku thatësira është një kërcënim real, është thelbësore të kursehet dhe të riciklohet uji kurdoherë që është e mundur, shkruhet në faqen e internetit focus.com. Studiuesit e Universitetit të Kalifornisë kanë shpikur një lloj akulli që nuk shkrihet në ujë dhe është i përdorshëm vazhdimisht, ndërkohë që eshte i biodegradueshëm. Në formën e kubeve (JIC) ato mund të ndihmojë në të gjitha proceset e ruajtjes pa e ndotur ose ujitur produktin që do të konservohet. JIC përbëhet nga uji dhe përbërës të tjerë që stabilizojnë strukturën e tij dhe kryen funksionet e një kubi normal uji akulli pa u shkrirë kurrë. “Mund të përdoret deri në 13 orë, më pas thjesht shpëlajeni, vendoseni sërish në frigorifer dhe pas disa orësh është gati për përdorimin e radhës”, shpjegon Jiahan Zou, studiues nga Universiteti i Kalifornisë. Ideja e krijimit të kubeve që nuk shkrihen i erdhi ekipit në Universitetin e Kalifornisë i cili pasi pa sasinë e akullit të përdorur në industrinë e përpunimit të peshkut mbeti i mahnitur nga shpërdorimi i ujit dhe rreziku i përhapjes së patogjenëve në ujërat e zeza. JIC u përgjigjet të dy problemeve: shmang mbetjet e ujit dhe mbi të gjitha shmang mundësinë e zhvillimit të patogjenëve. Akulli i rremë është gjithashtu shumë i fortë: një kub mund të mbajë deri në 10 kilograme peshë pa u thyer, dhe për këtë arsye mund të përdoret gjithashtu për të ruajtur ushqimin gjatë transportit.