AKU, kontrolle për cilësinë e inputeve bujqësore

Autoriteti Kombëtar i Ushqimit (AKU) raportoi sot të dhënat mbi kontrollin e inputeve bujqësore, duke garantuar sigurinë ushqimore në tregjet e vendit dhe mbrojtjen e shëndetit të konsumatorit. Sipas AKU-së, gjatë javës 28 prill – 4 maj 2023 janë kryer 89 inspektime në subjektet e ndryshme tregtare. AKU njoftoi se ka bllokuar 500 mijë copë fara speci deri në daljen e përgjigjes së analizave të mostrave të marra. Ndërkohë, inspektorët e AKU-së vijojnë monitorimin e tregut për kontrollin për respektimin e standardeve të sigurisë ushqimore në sigurinë dhe cilësinë që duhet të kenë inputet bujqësore. atsh