Autoriteti Kombëtar i Ushqimit (AKU) me një program të posaçëm pune po monitoron në mënyrë të dedikuar subjektet tregtuese të produkteve të mbrojtjes së bimëve (pesticide, fungicide, etj.) dhe veprimtarinë në sektorin e duhan-cigareve. AKU njofton se, gjatë javës 10-16 nëntor të këtij viti, ka kryer 102 inspektime në subjektet e inputeve bujqësore dhe atyre që operojnë në sektorin e duhan-cigareve, nga këto 85% kontrolle kanë qenë mbi bazë risku dhe pjesa tjetër inspektime nëpërmjet denoncimeve. Sipas AKU-së, 100.2 kv produkt farë gruri varieteti, është bllokuar pasi ka rezultuar jokonform analizave të kryera. Gjithashtu AKU, ka vendosur 1 masë administrative gjobë me vlerë 200 000 lekë, pasi analizat e mostrave të marra kanë dalë nën normën e lejuar. Autoriteti Kombëtar i Ushqimit monitoron tregun e përdorimit të inputeve bujqësore sipas praktikave europiane në drejtim të kontrollit, që garantojnë standarde të larta të sigurisë ushqimore në vend.
