Akademia e Forcave të Armatosura hap për të tretin vit radhazi dyert për maturantët shqiptarë. Ministri i Mbrojtjes, Niko Peleshi renditi sot 3 arsye pse maturantët duhet të zgjedhin Akademinë e Forcave të Armatosura. “Ti je forca që nderon kombin! AFA ofron programe prestigjioze studimi, lehtësira si asnjë institucion tjetër arsimor, si dhe punësim të sigurt pas përfundimit të studimeve. AFA, një mundësi fantastike për arsimim dhe karrierë”, tha Peleshi në një postim në rrjetet sociale. Konkretisht, ofrohet pagesë mujore ndihmëse për çdo student për të gjithë periudhën e studimit. Po ashtu ofrohet akomodim dhe ushqim falas për 3 vitet e studimit në Akademi. Të rinjtë që zgjedhin AFA, nuk paguajnë asnjë tarifë studimi.
- Advertisment -