Ndryshimet janë krijuar për një sistem “më të qetë” në qendrën aziatike, i cili ‘përpunoi’ më shumë se 5 milionë pasagjerë muajin e kaluar.
Së shpejti, nuk do t’ju duhet pasaporta juaj për të udhëtuar përmes aeroportit Changi të Singaporit.
Duke filluar nga viti 2024, qendra e ngarkuar e transportit do të zëvendësojë kontrollet e pasaportave me procese të automatizuara.
Teknologjia biometrike dhe njohja e fytyrës do të përdoren për të lejuar pasagjerët të fluturojnë pa pasaporta ose kartë të posaçme.
Megjithatë pasagjerët do të duhet të marrin me vete dokumentet e udhëtimit për boarding dhe ndalesat në vende të tjera.
Aeroporti Changi duket se po ecën një hap më para se të tjerët.
Me ujëvarën e brendshme më të lartë në botë, një kopsht të gjerë fluturash dhe një mur për ngjitje shkëmbinjsh, ai renditet vazhdimisht si një nga aeroportet më të mirë në botë.
Teknologjia biometrike është tashmë pjesë e ndjenjës futuriste të aeroportit të madh. Ai përdor teknologjinë në një masë në korsi të automatizuara në emigracion.
Por lëvizja drejt biometrisë së plotë e vendos përsëri aeroportin e Singaporit përpara turmave.
“Biometrika do të përdoret për të krijuar një shenjë të vetme vërtetimi që do të përdoret në pika të ndryshme të automatizuara kontakti, nga lënia e bagazheve tek tek imigrimi dhe hipja nw avon”, ka njoftuar ministrja e komunikimeve e vendit, Josephine Teo.
“Kjo do të zvogëlojë nevojën që pasagjerët të paraqesin vazhdimisht dokumentet e tyre të udhëtimit në këto pika kontakti, duke lejuar përpunim më të qetë dhe të përshtatshëm.”
Më shumë se 5 milionë pasagjerë udhëtuan përmes aeroportit Changi në gusht të këtij viti, kështu që shpejtësia dhe efikasiteti janë thelbësore.
Singapori pritet të bëhet “një nga vendet e para në botë” që do të prezantojë ndryshime të tilla, të cilat do të nisin në gjysmën e parë të vitit 2024.
Singapori gjithashtu ka pasaportën më të fortë në botë Singaporianët mund të ndihen veçanërisht krenarë për pasaportat e tyre, edhe pse dokumentet fizike fillojnë të bëhen më pak të rëndësishme në shtëpi.
Vendi i tyre zuri vendin e parë në renditjen e Indeksit të Pasaportave Henley këtë vit, duke e rrëzuar Japoninë nga vendi i parë.
Kjo për shkak se njerëzit nga Singapori gëzojnë akses pa viza në 192 destinacione udhëtimi nga 227 në mbarë botën.
Vendi është ngritur lart, duke fituar akses pa viza në 25 vende të tjera gjatë 10 viteve të fundit.
