A e dini se mjedisi i ndotur?!

Shqipëria rezulton ndër vendet me nivele shumë të larta të ndotjes së mjedisit. Ky është konstatimi i Agjencisë Europiane të Mjedisit, sipas së cilës niveli i ndotjes në vendin yonë është disa herë më e lartë se vendet Europiane. Gjithashtu edhe  raporti i “Numbeo Pollution Index”, mbi cilësinë e ajrit në qytetet Europiane, e rendit Tiranën si qyteti i tretë, më i ndotur në Europë, pas Chelyabinskit në Rusi dhe Tetovës në Maqedoninë e Veriut, që në vitin 2020 rezultoi qyteti me ajrin më të ndotur në Europë. Ekpertët vlerësojnë se jetesa në mjedise të pashëndetshme vret 12.6 milion jetë gjatë vitit në botë. Në ndarjen e saj, Organizata Botërore e Shëndetësisë, veçon se vetëm nga ndotja e ajrit shkaktohen rreth 8.2 milion vdekje në vit. Por konstatimet bëhen dhe më të rënda ku nga ndotja e ajrit, që renditet në pesë shkaktarët kryesorë të vdekjeve nga sëmundjet mjedisore, grupmoshat më të rrezikuara janë fëmijët nga 0 – 5 vjeç dhe të rriturit nga 50 – 75 vjec.