Mijëra viktima të temperaturave të larta u trajtuan në spitalet në të gjithë Pakistanin, pasi temperaturat arritën 50 gradë Celsius, në mes të një vale të nxehti të paparë. ”Vapa ka përvëluar vendin e Azisë Jugore për të katërtën ditë dhe ka të ngjarë të zgjasë edhe një javë”, theksoi shefja e qeverisë për Ndryshimet Klimatike, Romina Alam. ”Temperaturat mund të arrijnë në 51 gradë Celsius”, deklaroi shefi vendas i meteorologjisë, Sardar Sarfraz. ”Në provincën jugore të Sindh, ambulancat i çuan njerëzit në spitale dhe kampe të përkohshme të ndihmës në të gjitha qytetet e mëdha”, tha zyrtari lokal Shah Zaman. “Ne kemi trajtuar mijëra njerëz dhe po vijnë më shumë flukse”, theksoi Tahir Farooq në një spital në qytetin e Dadu, ku temperaturat arritën në 50 gradë Celsius. ”Është sikur të jetosh, fjalë për fjalë, në ferr. Ndjehesh sikur ecën mbi thëngjij të nxehtë ndërsa dilni në diell”, tha Zeeshan Khan Shani, një shofer në Dadu. ”Është e padurueshme. Jam i shqetësuar për vajzat e mia. Atyre mund t’i bjerë të fikët në çdo kohë”, theksoi Asif Shakoor, një nënë nga qyteti lindor i Lahores
