Të ardhurat nga akciza gjatë tremujorit të parë të vitit 2024 u realizuan në masën 13.1 miliardë lekë. Sipas raportit mbi treguesit fiskalë të publikuar nga Ministria e Financave, të ardhurat nga akciza janë 1 miliard lekë, ose 8.3 % më shumë se në të njëjtën periudhë të vitit 2023. Këto të ardhura, bën të ditur MF, rezultojnë 529 milionë lekë, ose 2.6 % më shumë se plani i akcizës për 3-mujorin 2024. Nga akciza për vitin 2024 parashikohet të arkëtohen në buxhet 63.6 miliardë lekë, 5.2 miliardë lekë më shumë se në 2023. Faktorët kryesorë në parashikimin e të ardhurave nga akciza lidhen me rritjen e nivelit të akcizave për shkak të indeksimit dhe zbatimit të skemës së rritjes për duhanet, rritjen e sasive të importit, prodhimit vendas dhe konsumit të mallrave të fortë si karburante, cigare, pije alkoolike, verë, birrë etj., kjo edhe për shkak të rritjes shumë të madhe të fluksit të turistëve në vend, forcimin e luftës kundër informalitetit, nëpërmjet kontrollit rigoroz të subjekteve të akcizës, reduktimit të përjashtimeve dhe rimbursimeve nga kjo taksë.
