Autoriteti Antitrust i Italisë ka vendosur një gjobë prej 10 milionë eurosh (10,7 milionë dollarë) ndaj gjigantit amerikan të shitjes me pakicë “Amazon” i dyshuar për praktika të padrejta biznesi, ndërsa kompania ka njoftuar se do të apelojë gjobën. “Në faqen italiane të “Amazon”, opsioni i blerjes për shumë produkte ishte vendosur automatikisht në “i rregullt” në vend të “një herë”. Kjo kufizon ndjeshëm zgjedhjen e konsumatorit”, tha sot Autoriteti Italian i Konkurrencës në Romë. Në çdo rast, një gjobë prej 10 milionë eurosh nuk ka gjasa të ketë shumë rëndësi për kompaninë amerikane, pasi gjigandi i shitjes me pakicë postoi më shumë se 10 milionë euro fitim vetëm në tremujorin e katërt të 2023. Dy degët e gjobitura të kompanisë përfshjnë, “Amazon Services Europe”, me qendër në Luksemburg dhe “Amazon EU”.
