Parlamenti Evropian votoi për miratimin e rregullave të reja fiskale që rregullojnë sasinë e borxhit publik që një vend i BE-së mund të grumbullojë për një buxhet më efikas. Deputeti gjerman Markus Ferber, një anëtar i Unionit Kristian Social (CSU), tha në një deklaratë se ‘’rregullat e reja përfaqësojnë një fillim të ri dhe një kthim në përgjegjësinë fiskale”. Deputetja portugeze e BE-së Margarida Marques, nga grupi i qendrës së majtë Socialistët dhe Demokratët (S&D), tha se ‘’ndryshimet marrin parasysh nevojat sociale dhe sigurojnë më shumë hapësirë për investime”. Gjendja ekonomike individuale e çdo vendi të BE-së duhet të merret më shumë parasysh kur vendosen objektiva për të reduktuar borxhin dhe deficitin e tepërt. Në të njëjtën kohë, rregulloret e reja fiskale vendosin kërkesa të qarta minimale për të reduktuar pjesën e borxhit të vendeve me borxhe të larta në Bashkimin Evropian. Eurostat raportoi se 13 vende të BE-së kishin një raport borxhi ndaj PBB-së mbi 60% në 2023. Greqia ishte më e larta me 161,9%, Italia me 137,3%, Franca me 110,6%, Spanja me 107,7% dhe Belgjika me 105,2%
