Italia ka thirrur një takim të udhëheqësve të G7 pas sulmit të madh iranian ndaj Izraelit. “Krerët e shtatë vendeve kryesore të industrializuara demokratike do të takohen sot pasdite për një video-konferencë për të diskutuar sulmin nga Teherani”, sipas një deklarate. Italia është aktualisht kryesuese e grupit G7. Presidenti i SHBA-se Joe Biden njoftoi më herët synimin e tij për të mbledhur grupin G7, për të koordinuar një përgjigje të bashkuar diplomatike ndaj sulmit të paprecedentë të Iranit. Grupi G7 është një forum jozyrtar i Gjermanisë, Francës, Britanisë së Madhe, Italisë, Japonisë, Kanadasë dhe SHBA-së.
