Mbi 450 000 ushtarë rusë janë vrarë ose plagosur në Ukrainë që nga fillimi i konfliktit më 24 shkurt 2022, tha në Facebook Shtabi i Përgjithshëm i ushtrisë duke nënvizuar se vetëm në 24 orët e fundit janë vrarë ose plagosur 830 të tillë. ”Ndërkohë, forcat ruse kanë kapur fshatin Pervomaiske – në rajonin e Donetsk, në Ukrainën lindore – ku luftimet kishin zgjatur për një vit e gjysmë”, sipas OJQ ”DeepState”, siç raporton ”Ukrainska Pravda”. ”Forcat e mbrojtjes ajrore ukrainase rrëzuan një dron rus këtë mëngjes në rajonin Dnipropetrovsk, në juglindje të Ukrainës”, tha shefi i administratës ushtarake rajonale, Serhii Lysak, siç raporton Ukrinform.
“Trupat tona luftuan në Dnipro. Mbrojtësit shkatërruan një dron armik. Faleminderit për mbrojtjen tuaj!”, shkroi Lysak. Ndërkohë, dy persona u plagosën në një sulm rus mëngjesin e sotëm në rajonin e Odessa – në Ukrainën jugore – i cili goditi infrastrukturën kritike dhe logjistike, duke dëmtuar një central elektrik, sipas forcave të mbrojtjes jugore të Kievit, siç raporton Ukrinform. Rajoni u sulmua në agim edhe me raketa balistike dhe të plagosurit ishin dy punonjës të një kompanie transporti. Përveç termocentralit është dëmtuar edhe një shtëpi dhe disa makina.
