Presidentja e Komisionit Evropian Ursula von der Leyen theksoi procesin e shkurtimit të burokracisë, mes përpjekjeve për ta bërë Bashkimin Evropian më konkurrues, në një fjalim para udhëheqësve të biznesit gjerman në Berlin.
“Ne vazhdojmë të jemi zona ekonomike eksportuese më e madhe në botë. Po e bëj të qartë se ne duhet të ndërrojmë ingranazhet për të dhënë atë që është arritur dhe të qëndrojmë përpara. Ne duhet të bëhemi më të shpejtë, më dixhitalë dhe më të pastër”, shtoi ajo.
Rainer Dulger, kreu i Konfederatës së Punëdhënësve Gjermanë (BDA), deklaroi se ”BE e ka bërë jetën të vështirë për kompanitë me rregullore tepër të komplikuara. Ne duhet ta ndryshojmë atë”. ”Konkurrueshmëria duhej të kthehet në krye të axhendës evropiane. Ne duhet të bëhemi më të shpejtë, duhet të bëhemi më dixhitalë dhe gjithashtu duhet të bëhemi më të thjeshtë”, shtoi ajo.
”Vendimet e duhura të BE-së mund ta bëjnë Evropën një motor të rritjes. BE duhet t’i japë fund ndërhyrjes së saj në rritje në politikat sociale të vendeve anëtare”, shtoi ajo. Von der Leyen synon një mandat të dytë si president i Komisionit Evropian si kandidatja kryesore e Partisë Popullore Evropiane (EPP).
