Administrata e Zonave të Mbrojtura në Gjirokastër ka zhvilluar një aksion pastrimi në territorin e shtratit të lumit Drino, pjesë e Parkut Kombëtar të lumit Vjosa. AdZM Gjirokastër i bën apel qytetarëve të mbajnë pastër ambientin dhe të mos hedhin mbetjet urbane në shtratin e lumit Drino. “Së bashku mund të kontribuojmë për një mjedis më të pastër”, theksoi AdZM Gjirokastër.
Në të gjithë vendin sidomos në zonat turistike të gjitha bashkitë dhe 12 AdZM po kryejnë aksione pastrimi në zonat e mbrojtura dhe jo vetëm, për të pasur territore më të pastra në prag edhe të sezonit turistik. Ndërkohë që paralelisht vijon edhe Plani Kombëtar i Pastrimit rrënjësor të Shqipërisë, i cili nisi më 7 nëntor 2021 në Vlorë.
