TikTok ka zbuluar planet për të nisur qendrat zgjedhore online në platformë si pjesë e përpjekjeve për të mbështetur integritetin zgjedhor gjatë vitit 2024. Platforma e shpërndarjes së videove tha se më shumë se dy miliardë njerëz në më shumë se 50 vende priten të shkojnë në votime këtë vit, dhe se qendrat e saj zgjedhore do të përdoren për t’i drejtuar njerëzit drejt informacioneve të besueshme. Janë ngritur shqetësime për ndikimin e mundshëm të mediave sociale në zgjedhjet e këtij viti, pasi inteligjenca artificiale mund të nxisë valë të reja dezinformimi në formën e mediave të manipuluara dhe falsifikimeve.
TikTok tha se do të hapë një Qendër Zgjedhore Lokale në Britaninë e Madhe në fillim të prillit, përpara zgjedhjeve lokale në maj, e cila ishte krijuar në partneritet me kompaninë e kontrollit të fakteve “Logically Facts” Qendra online do t’u sigurojë përdoruesve informacion të verifikuar të votimit, duke përfshirë kur, ku dhe si njerëzit mund të votojnë, si dhe lidhjet me burimet nga Komisioni Zgjedhor. Në TikTok, njerëzit do të drejtohen në qendër përmes kërkesave në postimet përkatëse zgjedhore ose kërkimet. Kompania tha se po planifikonte të prezantonte qendra të ngjashme në vende të tjera anembanë botës, të përshtatura për çdo zgjedhje
