Senati miratoi një paketë prej 1,2 trilion dollarësh të faturave të shpenzimeve, një veprim i vonuar prej gati gjashtë muajsh në vitin buxhetor, duke i dhënë fund çdo kërcënimi për mbyllje të qeverisë deri në vjeshtë. Projektligji do t’i dërgohet presidentit Joe Biden për t’u nënshkruar në ligj, sipas AP. Miratimi i paketës u arrit me 74 vota pro dhe 24 kundër. Ai erdhi pasi afati i financimit kishte përfunduar në mesnatë për agjencitë në mesnatë, por Shtëpia e Bardhë dërgoi menjëherë një njoftim pas përfundimit të afatit, ku njoftonte se Zyra e Menaxhimit dhe Buxhetit kishte pushuar përgatitjet për mbylljen pasi kishte një shkallë të lartë besimi se Kongresi do ta miratonte legjislacionin dhe presidenti do ta nënshkruante të shtunën.
“Për shkak se detyrimet e fondeve federale gjurmohen në baza ditore, agjencitë nuk do të mbyllen dhe mund të vazhdojnë funksionimin e tyre normal”, thuhet në deklaratën e Shtëpisë së Bardhë. Perspektivat për një mbyllje afatshkurtër të qeverisë u duk se po rriteshin dje në mbrëmje pasi republikanët dhe demokratët u grindën për amendamentet e propozuara në projektligj. Çdo ndryshim i suksesshëm në projektligj do ta kishte kthyer legjislacionin në Dhomën e Përfaqësuesve, i cili tashmë ishte larguar nga qyteti për një pushim dyjavor
