Ushtria izraelite deklaroi se ka shkatërruar tunelin më të madh të Hamasit të zbuluar ndonjëherë në Rripin e Gazës. ”Tuneli me disa degë, i gjetur në mes të dhjetorit të vitit të kaluar në zonën bregdetare veriore, ishte ekzaminuar dhe çmontuar javët e fundit”, njoftoi ushtria. Ajo publikoi gjithashtu video që tregonin pjesë të tunelit duke u hedhur në erë. Forcat e Mbrojtjes së Izraelit (IDF) thanë se automjetet arritën të kalonin përmes tunelit, i cili shtrihej më shumë se 4 kilometra dhe ishte 50 metra i thellë.
”Sistemi i tunelit ndodhet 400 metra nga pikëkalimi kufitar Erez midis Izraelit dhe Gazës, por nuk shtrihet në territorin izraelit”, tha IDF. Ai thuhet se është ndërtuar nga Mohammed al-Sinwar, vëllai i Yehya al-Sinwar, i cili drejton organizatën militante palestineze Hamas në Rripin e Gazës. Sipas raporteve të mediave izraelite, rruga e tunelit të çon në Jabalia, lagja e refugjatëve në Gazën veriore, e konsideruar si një bastion i Hamasit.
