Shkencëtarët e univeristetit të New Mexico arritën të zbulonin praninë e grimcave mikroplastike në çdo placentë njerëzore të testuar, duke i lënë studiuesit të shqetësuar për ndikimin e mundshëm në shëndetin e fetuseve në zhvillim, shkruan guardian.us. Shkencëtarët analizuan 62 mostra të indeve të placentës dhe zbuluan se plastika më e zakonshme e zbuluar ishte polietileni, i përdorur për të bërë qese plastike dhe shishe. Një studim i dytë zbuloi praninë e mikroplastikës në të 17 arteriet njerëzore të testuara dhe sugjeruan se ‘’grimcat mund të lidhen me bllokimin e enëve të gjakut’’.
Ende nuk dihet ndikimi i mikroplastikës në shëndet, por në laborator është treguar se ato shkaktojnë dëme në qelizat njerëzore. Grimcat mund të vendosen në inde dhe të shkaktojnë inflamacion, siç bëjnë grimcat në ndotjen e ajrit, ose kimikatet në plastikë mund të shkaktojnë dëme. Sasi të mëdha mbetjesh plastike derdhen në mjedis dhe mikroplastika ka ndotur të gjithë planetin, nga maja e malit Everest deri te oqeanet më të thella. Njerëzit dihet se i konsumojnë grimcat e vogla përmes ushqimit dhe ujit, si dhe duke marrë frymë. Ato janë gjetur edhe në feçet e foshnjave dhe të rriturve.
