Autoriteti Rrugor Shqiptar (ARRSH) informon se gjatë natës ka pasur reshje dëbore me intensitet mesatar në akset rrugore Korçë-Dardhë, Tamarë-Vermosh, në Qafë Thore-Bogë. Sipas ARRSH-së, grupet e punës me mjetet borëpastruese kanë qenë në terren kanë bërë pastrimin e rrugëve nga dëbora dhe shpërndarjen e kripës për të evituar ngricat. Qarkullimi, informoi ARRSH, vijon pa probleme në të gjitha akset nacionale.
ARRSH apelon drejtuesit e mjeteve të pajisen me goma dimërore dhe zinxhirë kur udhëtojnë për në këto segmente me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.
