Papa Françesku deklaroi nga Selia e Shenjtë se kritikat ndaj vendimit të tij për të lejuar priftërinjtë të bekojnë çiftet e të njëjtës gjini janë hipokrizi, shkruan todayshow.com. Bekimet ndaj anëtarëve të entitetit LGBTQ u autorizuan muajin e kaluar nga një dokument i Vatikanit i quajtur ”Fiducia Supplicans”, por kjo ka hasur në rezistencë të konsiderueshme në Kishën Katolike, veçanërisht nga peshkopët afrikanë.
”Askush nuk tronditet nëse i jap bekimin tim një biznesmeni që ndoshta shfrytëzon njerëzit dhe ky është një mëkat shumë i rëndë. Por, ata skandalizohen nëse ia jap një homoseksuali”, theksoi Françesku për revistën katolike italiane ”Credere”. “Kjo është hipokrizi”, theksoi ai. Papa Françesku, i cili tha fjalinë e famshme “Kush jam unë për të gjykuar?” kur u pyet për homoseksualitetin në fillim të papatit të tij theksoi se ”një nga misionet e tij në krye të kishës katolike ishte t’a bënte atë më mikpritëse dhe më pak gjykuese”
