Ushtria izraelite konfirmoi për herë të parë se kishte përmbytur disa tunele që i përkisnin Hamasit në Rripin e Gazës, si pjesë e fushatës së saj gati katër mujore për të shkatërruar grupin militant palestinez. Forcat e Mbrojtjes së Izraelit (IDF) thanë se “vëllime të mëdha uji u kanalizuan në pjesë të rrjetit të gjerë të tunelit për të “neutralizuar infrastrukturën terroriste të nëndheshme”. IDF e quajti atë një “përparim të rëndësishëm inxhinierik dhe teknologjik”. Ai tha se u kryen analiza të sistemeve të tokës dhe ujit për të siguruar që ujërat nëntokësore të mos prekeshin. Mediat amerikane raportuan në dhjetor se ushtria izraelite po përdorte ujin e detit për të testuar përmbytjen e tuneleve që nuk përmbanin asnjë peng të mbajtur nga militantët. Ekspertët kanë paralajmëruar se taktika mund të ketë pasoja dramatike për mjedisin. Labirinti i gjerë i tuneleve të ndërtuara nga Hamasi, i njohur si “Metroja e Gazës” paraqet një sfidë të madhe për ushtrinë izraelite
