Kancelari gjerman Olaf Scholz ka kritikuar planet e “emigrimit” të ekstremistëve të ekstremit të djathtë që kanë nxitur mijëra njerëz të demonstrojnë kundër ekstremizmit në shumë qytete gjermane ditët e fundit. “Nëse ka diçka që nuk duhet të ketë më kurrë vend në Gjermani, atëherë është ideologjia racore e nacionalsocialistëve. Asgjë tjetër nuk shprehet në planet e neveritshme të rivendosjes së ekstremistëve”, theksoi Scholz në një video-mesazh. Komentet e tij vijnë pasi media e quajtur ‘’Correctiv’’ zbuloi detaje të një takimi në një vilë në Potsdam në nëntor, ku morën pjesë zyrtarë të lartë nga Alternativa për Gjermaninë (AfD) e ekstremit të djathtë, anëtarë të Unionit Kristian Demokrat konservator (CDU), duke përfshirë anëtarë të partisë konservatore. Ekstremistët e ekstremit të djathtë kanë diskutuar çështje të tilla si “emigrimi”, duke sugjeruar që ‘’një numër i madh njerëzish me prejardhje nga jashtë duhet të largohen nga vendi, qoftë edhe me force’’.
