Ministri gjerman i Mbrojtjes, Boris Pistorius paralajmëroi se lufta midis Rusisë dhe Ukrainës mund të zgjerohet përtej vendeve fqinje. “Ne dëgjojmë kërcënime nga Kremlini pothuajse çdo ditë, së fundmi përsëri kundër miqve tanë në shtetet baltike”, tha Pistorius për gazetën “Tagesspiegel”. Në lidhje me Bundeswehr, ministri theksoi se “ne duhet të forcojmë shpejt aftësitë tona mbrojtëse në kuadër të urgjencës së situatës së kërcënimit”. Ministri vuri në dukje edhe kufijtë e mbështetjes së Bundeswehr-it. “Nuk mund të përfshihemi plotësisht, siç bëjnë thirrje disa. Ndryshe do të mbetemi vetë të pambrojtur”, tha ministri. ”Deri më tani kemi dhënë gjithçka që mundemi”, shtoi ai. ”Duhet të jetë e qartë për të gjithë, nëse Putini fiton këtë luftë dhe pushton Ukrainën, sigurisht që rreziku për zonën e aleancës do të rritet gjithashtu”, tha Pistorius. “Paratë e disponueshme nuk janë më të mjaftueshme për të garantuar sigurinë e vendit, për të përballuar pasojat e pandemisë dhe në të njëjtën kohë për të investuar në arsim dhe digjitalizim”, tha ai. “Pra, ne duhet të marrim parasysh se presidenti rus, Vladimir Putin mund të sulmojë edhe një vend të NATO-s një ditë”, shtoi Pistorius
