Synimi i Charles Michel për t’u larguar herët nga posti i presidentit të Këshillit Evropian ka nisur negociatat për postet kryesore të BE-së, me ish-kryeministrin italian Mario Draghi të cilësuar nga disa “si një nga kandidatët kryesorë” për të pasuar Michel. “Është e vështirë të parashikohet sekuenca e marrëveshjeve për të plotësuar postet kryesore të BE-së, të cilat varen edhe nga rezultati i zgjedhjeve evropiane”, vëren gazeta City of London. Një burim i afërt me Draghin tha se ai ‘’nuk po kërkon ndonjë rol udhëheqës në bllok’’. Të premten, në Bruksel, ish-kryeministri italian do të informojë anëtarët e Komisionit për punën fillestare të raportit të konkurrencës së BE-së, i cili pritet të publikohet pas zgjedhjeve evropiane. Ndër emrat e tjerë që janë paraqitur për postin në Këshillin Evropian, sipas Financial Times, janë spanjolli Pedro Sánchez dhe danezia Mette Frederiksen. ‘’Ndryshe nga Draghi, të dy udhëheqësit janë të lidhur me partitë kryesore politike evropiane, një faktor i rëndësishëm në emërimet në BE. Mungesa e përkatësisë partiake të Draghit do ta ‘pengojë atë’, tha një diplomat evropian. “Ndërsa CV-ja e gjerë e Draghit do t’i garantonte atij një prani të fortë në tryezën e samitit, qëndrimet e tij të hapura për politikat, përfshirë integrimin fiskal, mund të irritojnë vende si Gjermania, të cilat tradicionalisht kanë të kundërtën”, vëren më tej FT.
