Moti relativisht i kthjellët dhe i ftohtë do të mbizotërojë në të gjithë territorin e vendit deri pas-mesdite kur pritet shtim i vranësirave nëpër të gjithë territorin KU më të dukshme do të jenë në zonat malore Veri-Verilindore dhe ekstremin Jugor duke gjeneruar reshje të pakta shiu si edhe flokë dëbore. Parashikohet që orët e vona të pasdites të sjellin ndërprerje të reshjeve POR i ftohi do të jetë prezent në të gjithë territorin e vendit. Temperaturat e ajrit do të pësojnë sërish RENIE në të dy vlerat ekstremale ditore duke u luhatur nga -6°C deri në 11°C. Era do të fryjë e lehtë dhe mesatare me shpejtësi 40 km/h nga drejtimi verilindor duke sjellë në brigjet detare dallgëzim mbi 2 ballë.
