Trashëgimtarja e kompanisë prestigjoze L’Oréal, Françoise Bettencourt Meyers është bërë gruaja e parë që grumbullon një pasuri prej 100 miliardë dollarësh, sipas Indeksit të Miliarderëve të Bloomberg, një renditje e njerëzve më të pasur në botë. Sipas BBC perandoria franceze e bukurisë e themeluar nga gjyshi i saj është në rrugën e duhur për të arritur performancën më të mirë të bursës në dekadat e fundit me aksionet e L’Oréal që arritën dje nivelin më të lartë të të gjitha kohërave në Paris. Pasuria neto e Bettencourt Meyers, 70 vjeçe prej më shumë se 100 miliardë dollarë, e bën atë personin e 12-të më të pasur në botë. Ajo mbetet ende larg bashkatdhetarit të saj francez Bernard Arnault, themeluesit të LVMH, i cili ishte i dyti në listë me një vlerë neto prej 179 miliardë dollarësh. Bettencourt Meyers është nënkryetare e bordit të drejtorëve të kompanisë dhe, me familjen e saj, është aksionerja më e madhe e L’Oréal me një aksion prej rreth 35%. Ajo u bë trashëgimtarja e mbretërimit të L’Oréal pas vdekjes së nënës së saj, Liliane Bettencourt, në 2017.
