Sektori i pasurive të paluajtshme po kryeson investimet e huaja direkte për të dytin vit radhazi, bëri të ditur Banka e Shqipërisë. Sipas statistikave, për tremujorin e tretë të këtij viti investimet e të huajve në pasuri të paluajtshme në Shqipëri arritën vlerën e 95 milionë eurove. Krahasuar me të njëjtën periudhë të vitit të kaluar, investimet e të huajve në këtë sektor u rritën me 24%. Ndërkohë që investimet e huaja në pasuri të paluajtshme për 9-mujorin 2023 arritën vlerën e 222 milionë eurove. Paralelisht me investimet në këtë sektor, sipas BSH-së është rritur edhe kredia për blerje pasurish të paluajtshme nga 430 milionë lekë, në muajin korrik, kredia për sektorin e pasurive të paluajtëshme ka kërcyer në shtator në 2.8 miliardë lekë.
