Ministri i Mbrojtjes, Niko Peleshi informoi sot mbi investimet për modernizimin e Batalionit të Dytë të Këmbësorisë të Forcave të Armatosura. Peleshi theksoi se “si një nga strukturat elitare të Forcave të Armatosura dhe një kapacitet i dedikuar në NATO si i gatshëm për luftim, ky batalion po merr vëmendjen e duhur edhe sa i përket modernizimit”. “Batalioni i Dytë i Këmbësorisë, si një nga strukturat elitare të Forcave të Armatosura dhe një kapacitet i dedikuar në NATO si i gatshëm për luftim, po merr vëmendjen e duhur edhe sa i përket modernizimit, që nga armatimi i lehtë personal standard NATO, mortajat 120 mm dhe raketat kundërtank e ato kundërajrore”, shtoi ministri.
