Kina kundërshton me vendosmëri dhe është fort e pakënaqur nga shitja e armëve amerikane Tajvanit, në ndërkohë që do të kundërpërgjigjemi dhe do të marrim masa ndaj kompanive të përfshira, është komenti i zëdhënësit të Ministrisë së Jashtme kineze, Wang Wenbin, pas miratimit të fundit amerikan për të mbështetur sistemet e informacionit taktik tajvanez, me vlerë 300 milionë dollarë. Pentagoni tha të premten se Departamenti i Shteti kishte miratuar, më pak se një muaj para zgjedhjeve presidenciale tajvaneze, operacionin në lidhje me pajisjet për të ndihmuar ishullin të mbajë sistemet e tij të informacionit taktik të përditësuara. Agjencia për Bashkëpunim dhe Sigurimin e Mbrojtjes e Pentagonit e bëri të qartë se shitja kishte për qëllim mbështetjen për të ruajtur aftësitë e komandimit, kontrollit, komunikimit dhe kompjuterët (“sistemet C4”) të Tajvanit, ndërkohë që Ministria e Mbrojtjes e ishullit tha se transaksioni do të ndihmonte në ruajtjen e efektivitetit të sistemeve të tij komandues dhe kontrollit të përbashkët luftarak. Sistemet C4 përbëhen nga një seri pajisjesh dhe softuerësh, të aftë për të përmirësuar kapacitetin përpunues të dhënave të Forcave të Armatosura të Tajpeit.
