Operatori i Sistemit të Shpërndarjes, po zbaton një plan masash për të siguruar një furnizim sa më të mirë me energji elektrike për të gjithë të gjithë abonentët përgjatë gjithë muajit festiv. Sipas OSHEE-së, ditët e fundit janë kryer disa procese mirëmbajtje me rëndësi për rritjen e kapacitetit në transformatorët e nënstacioneve të zonave ku ngarkesa rritet gjatë festave. “Kemi ndërhyrë edhe në pjesë përbërëse nënstacioneve, organizimit të stafit dhe vendosjes në dispozicion të bazës materiale për drejtorinë e tensionit të lartë. Qëllim primar mbetet furnizimi sa më cilësor i abonentëve me energji elektrike”, bën të ditur OSHEE.
