Opozita e qendrës së djathtë të Gjermanisë, Kristiandemokratët (CDU) paraqiti sot një program të ri politik që synon të ndryshojë rrënjësisht politikën e azilit të Bashkimit Evropian. Drafti programit të CDU-së kërkon që myslimanët në Gjermani të përqafojnë vlerat kryesisht të krishtera të vendit dhe që migrantët duhet të njohin të drejtën e Izraelit për të ekzistuar si pjesë e “kulturës udhëzuese” të Gjermanisë. Drafti i programit të CDU-së kërkon gjithashtu që Gjermania të përqafojë sërish energjinë bërthamore, si dhe reformat e pensioneve dhe të tregut të punës. “Të gjithë ata që duan të jetojnë këtu duhet të njohin kulturën tonë udhërrëfyese. Vetëm ata që janë të përkushtuar ndaj kulturës sonë udhëzuese mund të integrohen dhe të bëhen qytetarë gjermanë”, sipas CDU-së. Sekretari i përgjithshëm i CDU-së, Carsten Linnemann e përshkroi projektprogramin bazë si një dokument udhëzues për të përgatitur partinë për zgjedhjet e ardhshme mbarëkombëtare, të planifikuara aktualisht në vitin 2025. “Nëse do të ketë zgjedhje të përgjithshme të parakohshme, ne do të jemi gati”, tha Linnemann ndërsa prezantoi draftin në Berlin.
