Zëvendëspresidentja amerikane, Kamala Harris kritikoi sot liderët që përhapën informacione mashtruese rreth krizës klimatike, gjatë fjalimit së saj në Konferencën e OKB-së për Ndryshimet Klimatike në Dubai. ”Ka politikanë të rëndësishëm që mohojnë shkencën e klimës, vonojnë veprimet klimatike dhe përhapin dezinformata”, tha Harris. ”Përballë rezistencës së tyre dhe në kontekstin e këtij momenti ne duhet të bëjmë më shumë”, shtoi ajo. Ish-presidenti i SHBA-së, Donald Trump, i cili dëshiron të bëhet sërish president, u tërhoq nga Marrëveshja e Parisit për Klimën e vitit 2015 që në fillim të mandatit të tij dhe konsiderohet mohues i ngrohjes globale të shkaktuar nga njeriu, që do të thotë se ai përfaqëson një opinion të huaj të pabazuar shkencërisht. “Ky është një moment kyç. Veprimi ynë kolektiv – ose më keq mosveprimi ynë – do të ndikojë në miliarda njerëz për dekadat e ardhshme”, tha Harris. Harris nuk komentoi heqjen e lëndëve djegëse fosile, e cila është një nga çështjet më të diskutueshme në konferencën për klimën. Sipas shifrave të veta, SHBA janë prodhuesja më e madhe e naftës në botë.
