Presidenti i SHBA, Joe Biden dhe udhëheqësi kinez, Xi Jinping pritet të diskutojnë kundër trafikut të drogës në Shtetet e Bashkuara gjatë takimit të tyre në Kaliforni, deklaroi Shtëpia e Bardhë. Këshilltari i Sigurisë Kombëtare i SHBA-së, Jake Sullivan tha se ”drogat e paligjshme nga Kina do të jenë në listën e gjërave që të dy liderët do të diskutojnë në një takim të planifikuar për të mërkurën në margjinat e samitit të Komunitetit Ekonomik Azi-Paqësor (APEC)”. ”Ne besojmë se ka fusha ku interesat tona mbivendosen, siç janë përpjekjet tona për të luftuar tregtinë e paligjshme të fentanilit”, theksoi Sullivan. “Ne shpresojmë të shohim një përparim mbi këtë çështje javën e ardhshme. Dhe kjo mund të hapë derën për bashkëpunim të mëtejshëm për çështje të tjera”, shtoi ai. Qeveria amerikane akuzon Kinën se është një kontribues i madh në epideminë e drogës në vend përmes prodhimit të fentanilit, i cili kontrabandohet në Shtetet e Bashkuara të Amerikës në sasi të mëdha
