Kancelari gjerman Olaf Scholz është shprehur kundër një armëpushimi të menjëhershëm në Rripin e Gazës. Scholz tha në një ngjarje të organizuar nga gazeta ”Heilbronner Stimme” se ”një pauzë humanitare mund të ishte e arsyeshme, për shembull për të nxjerrë të plagosurit nga Rripi i Gazës”. ”Por, unë jam i lumtur të pranoj se nuk mendoj se kërkesa që disa po bëjnë për një armëpushim të menjëhershëm ose një pauzë të gjatë – që është pak a shumë e njëjta gjë – është e drejtë”, tha kancelari gjerman. ”Një armëpushim do të nënkuptonte se Izraeli do të lejonte Hamasin të rimëkëmbej dhe të blinte raketa të reja në mënyrë që ata të mund t’i lëshonin përsëri. Kjo nuk do të ishte e pranueshme”, shtoi ai. Presidenti francez Emmanuel Macron kohët e fundit kishte bërë thirrje për një armëpushim në Rripin e Gazës. Në një samit të shtunën, liderët arabë dhe myslimanë nga afro 60 vende kërkuan një ndalesë të menjëhershme të “agresionit izraelit” në Gaza dhe një konferencë ndërkombëtare paqeje.
