Organizata Botërore e Shëndetësisë (OBSH) përsëriti sot thirrjen e saj për një armëpushim në Gaza, duke argumentuar se spitalet nuk janë në gjendje të evakuojnë pacientët mes bombardimeve të vazhdueshme të Izraelit dhe zgjerimit të operacioneve tokësore në territorin palestinez. “Raportet për sulmet izraelite pranë spitaleve janë një shkak për shqetësim të madh”, tha OBSH-ja. “Spitalet në të gjithë Rripin e Gazës e kanë tejkaluar kapacitetin e tyre dhe nuk mund të përballojnë rritjen dramatike të numrit të pacientëve ndërsa strehojnë mijëra civilë”, tha OBSH. “Gjatë avancimit brenda natës të trupave izraelite në Rripin e Gazës, pati një ndërprerje totale të komunikimit dhe energjisë për punonjësit e shëndetësisë, pacientët dhe civilët.
