Kryeministri i Kosovës, Albin Kurti, u takua me Sekretaren e Shtetit për Çështje Evropiane të Francës, Laurence Boone, në margjina të samitit të Procesit të Berlinit.
Në takim, fokus i diskutimit ishin marrëdhëniet bilaterale mes dy shteteve, situata e sigurisë pas sulmeve terroriste në Kosovë më 24 shtator, atyre në Francë më 15 tetor, si dhe bashkëpunimi rajonal.
Kryeministri Kurti e falënderoi shtetin e Francës për dënimin e sulmit terrorist të 24 shtatorit të Serbisë kundër Republikës së Kosovës.
Ai ofroi dhe ngushëllimet e tij dhe dënoi sulmin terrorist në Francë, ku mbeti i vrarë një mësues.
