Arqipeshkvia e Durrësit i rikthehet komunitetit katolik

Arqipeshkvia e Durrësit, një objekt me rëndësi monumentale dhe shpirtërore e vendosur në fshatin Delbnisht, tashmë falë restaurimit total i është rikthyer komunitetit besimtar katolik. Godina tashmë e rijetësuar falë programit EU4CULTURE dhe UNOPS u përurua sot në prani të Ministres së Kulturës, Elva Margariti. Kjo godinë e braktisur, e dëmtuar nga tërmeti, me shumë probleme strukturore, tashmë është restauruar tërësisht dhe nuk paraqet më asnjë rrezik.