Shpesh mendojmë se ndryshimi i klimës është një problem pothuajse abstrakt, një çështje e largët që nuk do të ndikojë drejtpërdrejt në jetën tonë të përditshme. Në mendjet tona, një shkallë apo më shumë rritje e temperaturës globale, ose shkrirja e akullit, është një shqetësim për ambientalistët e kujdesshëm. Ndikimi i ndryshimeve klimatike dhe ngrohja globale po godet rëndë njerëzimin.
Ndikimi në ushqim – Ndryshimet klimatike kanë një ndikim të drejtpërdrejtë në sistemet ushqimore dhe sigurinë ushqimore. Ajo demton prodhimin global bujqësor, i cili, nga ana tjetër, rrit çmimet e ushqimeve.
Çmimet më të larta të supermarketeve – Në mënyrë të pashmangshme, rritja e kostove të ushqimit ka një ndikim të madh. Sipas një raporti të përbashkët të publikuar nga Banka Qendrore Evropiane dhe Instituti i Potsdamit për Kërkimin e Ndikimit Klimatik, ngrohja e vazhdueshme globale parashikohet të rrisë çmimet e ushqimeve midis 0.6 dhe 3.2 pikë përqindje deri në vitin 2060.
Sëmundje – Një zhvillim shqetësues është kërcënimi i sëmundjeve të mëdha infektive të shkaktuara nga mushkonjat në zona që më parë ishin pa rreziqe të tilla. Për shembull, një specie mushkonjash, Aedes albopictus, e aftë për të përhapur sëmundje të tilla si ethet e dengës dhe virusi Zika, u zbulua në Lisbonë, Portugali, për herë të parë, sipas një raporti të shtatorit 2023.
Kostot e ndryshimeve klimatike – Kostoja e ndryshimeve klimatike është alarmante. Nga uraganet te zjarret dhe përmbytjet, më shumë shtëpi se kurrë janë në rrezik nga ngjarjet ekstreme të motit.
Kombe në zhdukje – Rritja e nivelit të detit të shkaktuar nga ndryshimet klimatike është një kërcënim i drejtpërdrejtë për miliona njerëz në mbarë botën, thanë Kombet e Bashkuara në një raport të shkurtit 2023. Për shumë vende të Paqësorit, rritja e nivelit të detit përbën një kërcënim ekzistencial.
Kaos urban – Ndryshimet klimatike do të shkaktojnë lëvizje të popullsisë duke i bërë pjesë të caktuara të botës vende shumë më pak të qëndrueshme për të jetuar. Frika është se kjo zhvendosje e madhe e njerëzve nga ishujt dhe zonat rurale në qendrat urbane do ta bëjë jetën në qytete të paqëndrueshme.
Ndikimi në ekonomi – Pasojat e ndryshimeve klimatike në ekonominë globale janë të parashikueshme. Shumë sektorë kryesorë ekonomikë po preken tashmë nga ndryshimet afatgjata, jo më pak industria e turizmit. Në korrik 2023, temperaturat në disa pjesë të Greqisë arritën një rekord prej 46,4°C. Në Athinë, tempulli i Parthenonit ishte i mbyllur për publikun për shkak të nxehtësisë ashtu si dhe atraksione të tjera.
