Wagner mund të paraqesë kërcënim të ri për Ukrainën

Grupi paraushtarak rus Wagner, nën kontrollin e Kremlinit, mund të jetë një kërcënim i ri për Ukrainën, sipas vlerësimit të fundit nga vëzhguesit ushtarakë. ”Grupi Wagner do të paraqiste një kërcënim nëse rishfaqet si një organizatë ushtarake efektive ose rikonstituohet si një organizatë e madhe, unitare me udhëheqje efektive të centralizuar të drejtuar nga Ministria ruse e Mbrojtjes”, sipas një analize nga Instituti amerikan për Studimet e Luftës (ISW). Instituti kishte thënë edhe më herët se grupimi paraushtarak nuk ishte një kërcënim pas vdekjes së shefit të saj, Yevgeny Prigozhin, pas një aksidenti me avioni në gusht. Vdekja e tij erdhi pasi ai udhëhoqi një kryengritje të shkurtër në verë, pas rritjes së tensioneve midis komandantëve ushtarakë rusë dhe Prigozhinit, luftëtarët e të cilit luftuan së bashku me njësitë e rregullta ruse në Ukrainë. Trupat e Wagnerit u tërhoqën më pas nga Ukraina dhe Prigozhin udhëhoqi një kryengritje të shkurtër në qershor. Udhëheqja dhe statusi i forcës Wagner është aktualisht i paqartë, por ISW tha se ”djali i Prigozhin, Pavel mund të marrë drejtimin e njësive”. ”Pavel Prigozhin do të negociojë me Gardën Kombëtare, e cila është në varësi të administratës presidenciale dhe ka teknologjinë e saj luftarake”, tha ISW. Megjithatë, Ministria ruse e Mbrojtjes do të duhet të sigurojë armë, municione dhe logjistikë. Presidenti rus Vladimir Putin priti ish-zyrtarin e Wagner dhe bashkëthemeluesin e ushtrisë Andrei Trozhev në Kremlin javën e kaluar dhe e ngarkoi atë të formonte njësi vullnetare. Në atë kohë, Putin tha se njësitë do të përdoren kryesisht në luftën kundër Ukrainës. Aktualisht, lidershipi dhe statusi i grupit janë të paqartë.