Izraeli nis furnizimin e Gjermanisë me sistemin raketor “Arrow 3”

Qeveria izraelite dhe ajo gjermane kanë nënshkruar një marrëveshje për furnizimin e Gjermanisë me sistemin e mbrojtjes raketore “Arrow 3” të prodhuar nga Izraeli. Sistemi “Arrow 3” synon t’i ofrojë Gjermanisë dhe fqinjëve të saj mbrojtje më të mirë kundër sulmeve të mundshme raketore, sapo i pari nga tri sistemet “Arrow 3” të dorëzohet dhe të jetë funksional, gjë që Gjermania shpreson të realizohet brenda dy viteve. Raketat synojnë të shkatërrojnë raketat e armikut me rreze të gjatë veprimi jashtë atmosferës së Tokës me një goditje të drejtpërdrejtë. Sistemi është planifikuar të arrijë kapacitetin e plotë deri në vitin 2030. Marrëveshja shihet si shenjë e forcimit të mëtejshëm të marrëdhënieve mes Gjermanisë dhe Izraelit. Izraeli tha se shitja e sistemit të mbrojtjes me vlerë gati 4 miliardë euro (4,2 miliardë dollarë) është marrëveshja më e madhe e armëve në historinë izraelite.